ANEQQIS ГEF TMESKANIT N MDM N IMTEГREN G 1U N MAYYU 2009

ANEQQIS ГEF TMESKANIT N MDM N IMTEГREN G 1U N MAYYU 2009
Issudes Umussu Adelsan Amaziγ (MDM) n Imteγren yat tmeskanit nna g isfugla d imekrazen d inmahalen , ass-nnsen amad'lan . Tameskanit-a tedda-d d'art wussan idelsanen n Tefsut Imaziγen nna g sissnen imeγnasen d tmeγnasin i yinerzafen d i medden kullu tamaziγt d tutlayt d idles d tmentilt-nneγ tameqwrant.



G tizwuri, mnaggaren imeγnasen d tmeγnasin n MDM, win Umussu Amaziγ (MM) d win Umussu n Inelmaden Imaziγen (MNM) illan s wattayen n 600 dat ugdez n yiγrem n Imteγren , bdun ar ttemraran iwaliwen gratsen, gen tawrerrayt settin-as icenyalen d tecd'ad'in nna ittettren tilelli n tmaziγt d Tmazγa . Amenγer, bdan ayt tama tazelmat' tameskanit g 16h00, asin awd Imaziγen imesγerten s uγuyyi meqqar d-uwin iεerbez'riten labwaq-nnsen mar ad sfesten adida n Imaziγen, maka, imeggura-a ggullan ur trezz'a teγtirt n uγnas-nnsen, bedden ibeddi n yan urgaz , rnun iεerbez'riten d Iglagliyen g ussudes n tmeskanit-nnsen nna g iggudey umd'an n imeskaniyen ittin i uzz'un n yiγrem n Imteγren mar ad d-raren asidd n tmaziγt, d awd s ugudiy-nnaγ issken-d adhac n yicenga-nnsen .
S tidet sebd'in Imaziγen ul i Udabu aεerbez'ri llig as-d-fed'h'en timutliwin d txendallasin isskar i uγref amaziγ, ssektin-d s yitsen imesγerten azal axatar illan γur tamunt d twizi g wakud nna g nn-igula usselku n Umxzen i Yimaziγen agerd'. D yat yad'en, imeγnasen d tmeγnasin usin yan waggwa ameqwran nwad kkaten ad d-irz'em Umexzen i yinekraf isertanen n tmentilt tamaziγt.
G tiyira, attayen n 19h00 n tdeggwat, aγulen-d imeskaniyen imaziγen s dat ugdez anfen diges yat tsetturt yumzen akw ansa-nnaγ, ar sawalen γef tmentilt tamaziγt .
Ad d-nessektey nwis imessulta d ayt ddiyisetti d igusasen-nnsen ur igi tawuri-nnsen ass-nnaγ γas tihd'i n tmeskanit n Imaziγen zrin tin widdaγ yad'en acku ssnen-ten is gan winnsen, ur asen-iggwid udabu.



Aneqqis yaru: MASIN
Tizi n Yimnayen g 20-04-2959 / 03-05-2009

Amawal (lexique):

Inmahalen : les travailleurs ; sissen : faire connaître ; tamentilt : cause ; agdez : le marché ; imesγerten: slogans; amd'an : nombre ; imeskaniyen : manifstants ; iεerbez'riten : arabistes ; azal : valeur ; tawrerrayt : cercle ; tasetturt : ronde ; timutliwin : les crimes. imessulta : policiers
[ Reactie posten ] [ 1 reactie ]

# Gepost op zaterdag 09 mei 2009, 10u45

Gewijzigd op donderdag 02 juli 2009, 08u40

Amussu Adelsan Amaziγ n Inelmaden Tizi n Imnayen

Amussu Adelsan Amaziγ n Inelmaden Tizi n Imnayen
G yiwen ulγu n umussu adelsan amazigh n Inelmaden deg Tizi n Imnayen nag nnan nwis skern yiwet tmasekaniyt mgal mi qqaren tasqqamut tadelsant g tasenawiyt ZAYD UHMAD g iγrem -a , g tama yaden seknen imeγ nasen n umussu -ya awes-nnsen d yinkrafen isertanen n tmentilt tamaziγt , han alγ u-nnsen izdar-a


ALΓU

Azul d Ameγnas!

Tifawt n wass n sed 21-03-2009, iga Umussu Adelsan Amaziγ n Inelmaden n Tizi n Imnayen yan ibeddi jaj n Tesnawit Zayd Uḥmad (Mad wiss 5). Izdey ibeddi-a seg temrilt tis 10H00 ar tis 11H00.

Tettuga tmeskanit-a acku ur da ttaǧǧa “Tseqqamut tadelsant” inelmaden ad gen tiwuriwin tidelsanin neγ isaragen immezdayen d tmaziγt: tamust, tutlayt, amezruy, taẓuri...
D imkinna nessen, taseqqamut-ddeγ ur diges illi γas iεerbeẓriten d ixwanjiyen igan icenga n Imaziγen d tmaziγt.
Day, da issutur Umussu Adelsan Amaziγ n Inelmaden n Tizi n Imnayen:

- Asbedd n tmukrisin nna tettegga “Tseqqamut tadelsant” s twizi n unemhal n tesnawit i yinelmaden.

- Abeddel n tseqqamut-a tadelsant ur itteggan awd yat twuri tadelsant.

Ar isskan Umussu Adelsan Amaziγ n yinelmaden n Tizi n Imnayen tiwizi-nnes d ibeddi-nnes γer tama n Inekraf isertanen n tmentilt tamaziγt: Ḥamid UΣḌUC, Mestṭafa USAYA, Muḥemmad SEKKU, Sliman UΣLI.


'' Tamunt a Inelmaden Imaziγen ''


Tizi n Imnayen, ass n 22-03-2009
[ Reactie posten ] [ Geen reacties ]

# Gepost op woensdag 08 april 2009, 08u20

Gewijzigd op woensdag 08 april 2009, 08u50

Tameskanit n tizi n imnayen --Manifistation de tizi n-imnayen

Voila la manifistation organisée par la jeunesse amazigh de tizi n-imnayen (Goulmima).
[ Reactie posten ] [ 4 reacties ]

# Gepost op dinsdag 23 december 2008, 06u49

ANEQQIS N TEMNILIT D INEKRAF ISERTANEN N M.D.M

ANEQQIS N TEMNILIT D INEKRAF ISERTANEN N M.D.M
G uneqqis-ddeγ qennad nsiwel ɣif temnilit nna tga Tmesmunt “TILELLI” n Tizi n Imnayen s umεiwan d “AẒEṬṬA” n Rrbaḍ ula “IMAL” n Merrakec , timnilit illan d mraw inekraf n M.D.M seg tesdawiyin n Umeknas d Imteγren d-innureẓmen. Tettuga twuri-a g taddart n tiεurrma (Tizi n Imnayen) ass n sed 1-11-2008.
Meqqar tεeṭṭer “Tlelli” g ureẓẓum n ulγu s twuri-a d unezwi ixxan, midden uckan-d s wahli allig ur ufin imeggura mag γejdemen. Ddan-d icirran, ticirratin, imeqranen ula imeẓẓanen. Akud g ttgannan ad kejmen inekraf s tzeqqa, terẓem tseqqamut tamessudest i uẓawan n umarir ameγnas Meεtub Lwennas. Iddeγ d-ikjem uzayz ar ittasi imesγerten zund :
“Ameγnas γas swunfu. Hat abrid-nnek ag netteddu”
“Ayyuz d ameγnas i unekruf n tmentilt”
Ibda imesγert aγelnaw n Meεtub tfest tzeqqa. Bedden midden hezzan kraḍ iḍudan allig ifukka .
G tizwiri, isawel umesnil Nbarek Ṭawes s yisem n tmesmunin igan tawuri-a, isnimmer azayz ula inekraf, inḍew s Amussu Adelsan Amaziγ, inna γifes is iga amagday, anasrad. Isti γef ikabaren isertanen ula timesmunin; imγi-d g ugensu n tesdawiyin n Merruk af ad ikkes taduli i yan waddad n tkerkas n tεerbeẓri iẓẓa ukabar n “Istiqlal” d tarwa-nnes g tamazirt-a. Ig awed yan umussu d-iddan ad ifḍeḥ izunmeγnasen yusin tamentilt tamaziγt igan tuγrist ar iss tteqḍun tiwuriwin-nnsen ar ẓares sxitiren iεebbaḍ-nnsen g lbankat: Asinag Ageldan n Yidles Amaziγ (S.G.D.M), Agraw Amaḍlan Amaziγ (G.M.M), Tamesmunt Asidd, Tamesmunt Tamerrukiyt i Usiggel d Usmeskel Adelsan (M.M.S.S.D) ...atg. Ur ittu ara tiwuriwin ittegga M.D.M i tmaziγt g jaj n tesdawit ula beṛṛa-nnes. Timitar-ddeγ iḥlan ayd innan ad isebheḍ Lmexzen. Ameggaru-a qad irar s ukraf acku Amussu yaγul da izzal tillas ar ismentil timukras i udabu. Aya n ukraf d usnaγ seg tesdawit n Taza ar tin Imteγren ira iss Lmexzen ad isfest awal amaziγ. Maca Amussu Adelsan Amaziγ iga amm ukennud, iceqqa-as ad t-isemmecteg.
G tiyira n wawal-nnes, isnammer umesnil wid iεawnen amussu g tmukrist-nnes seg ugensu n tseqquma n twizi ula imarawen n inekraf ula winna yamun g tmeskaniyin ikkan g Merruk d beṛṛa. Inna-asen i inekraf: ayyuz γef tγensa-nnun af ad tedder tmaziγt! Ika umesnil awal i Mesṭafa UDANI igan yan yamun g tseqqamut n twizi n Imteγren.
Izzwar awal-nnes s uzzulu γef yimessudsen ula azayz d usnimmer-nnsen, iger yan useqsi: “Maγ allig llan ikraf-a?”
Irar yini nwis ten-iga Lmexzen acku da issutur M.D.M izerfan n ufgan amaziγ. Maci iddeγ gan iceffaren neγ imedlas. Isnimmer tikkelt yaḍen imeγnasen γif twizi-nnsen d inekraf, issuter tilelli i inekraf nn-isulen g ibniqen n timmuzdert: Uεḍuc, Usaya, Uεli d Sekku.
Ḍart usiwel n mass Udani, umẓen inekraf awal snimmren winna d tinna ten-yuwsen g tmara asen-issaγ Lmexzen ula azayz d-iddan ad asen-yiselli .

Aneqqis yaru sifaw............................................................
Tizi n Imnayen ass n ...15/10/2008-2958............................................


Amawal:
aneqqis: compte-rendu; alγu: avis; anezwi : climat ; taseqqamut tamessudest : comité d'organisation ; imesγerten: slogans; tazeqqa : salle ; amagday : démocratique ; anasrad : pacifique ; addad : situation ; taεerbeẓri : arabisme ; tamentilt : cause ; asmeskel : échange ; amesnil : présentateur ; imarawen : parents ; taγensa: militantisme ; imedlas : assassins ; snimmer : remercier ; awes : aider ; azayz : public


[ Reactie posten ] [ 2 reacties ]

# Gepost op donderdag 04 december 2008, 15u29

Gewijzigd op woensdag 08 april 2009, 08u52

Mouvement Culturel Amazigh de tizi-n-Imnayen

Mouvement Culturel Amazigh de tizi-n-Imnayen
Le tribunal makhzanien de Meknès a prononcée le 17 Octobre 2008 de lourdes peines d'emprisonnement, et des fortes amendes à l'encontre des détenus politiques amazighs.

Ainsi, les sévères jugements orchestrés ont été faits comme suit :

Hamid OUADOUCHE , Mustapha OUSSAYA : 12 ans de prison ferme et 80000DH d'amende chacun .

Omar OUDDI, Mohamed ZEDDOU, Mohamed CHAMI, Omar TAGHLAOUI, Mohamed NOUARI, Youssef Ait LBACHA, Younès HEJJA, Yidir AIT LKKAID : une année de prison ferme et 1000DH d'amande chacun.

Rappelons que le verdict vient, après presque 2 ans d'emprisonnement arbitraire dans lequel ces détenus ont subi toutes actes de torture et d'harcèlement.

Compte tenu de ce qui précède. Nous, militantes et militants du Mouvement Culturel Amazigh de Tizi-n-Imnayen, déclarons à l'opinion publique amazighe et internationale ce qui suit :

1-Nous dénonçons:

- Les jugements fallacieux et les procès bidons à l'encontre de ces détenus politiques de la cause amazighe.

- Les agissements de quelques individus et organisations payés pour casser les actions militantes de notre mouvement.

2- Nous exprimons :

-Notre entière solidarité auprèsdes détenus politiques amazighs et leurs familles.

Finalement, nous réaffirmons notre détermination à mener le combat jusqu'à la libération des détenus politiques du MCA.

« Le silence c'est la mort, si tu parles tu meurs, si tu tais tu meurs donc parle et meurt » Tahar DJAOUT.


Fait à Tizi-n-Imnayen (Goulmima).
Le 19 Octobre2008.
[ Reactie posten ] [ Geen reacties ]

# Gepost op donderdag 23 oktober 2008, 18u59

Gewijzigd op woensdag 08 april 2009, 08u55